Այս բաժինը հնարավորություն է տալիս գրավոր արտահայտել Ձեր կարծիքը, տեսակետը և դիրքորոշումը: Ի տարբերություն դիմումների, նամակները պաշտոնական ընթացակարգով քննության չեն առնվում:

Ձեր պաշտոնական դիմումը ՀՀ կառավարությանն այլևս թափանցիկ ընթացակարգ ունի: Մեր կայքի շնորհիվ Դուք կարող եք տեղեկանալ, թե կառավարության որ մարմնին կամ պաշտոնյային է Ձեր առձեռն հանձնած կամ փոստով ուղարկած դիմումը վերահասցեագրվել:

Որոնում

iGov.am iPhone/iPad application Այսուհետ կարող եք օգտվել մոբայլ սարքերի համար iGov.am հավելվածից, որը հնարավոր է ներբեռնել AppStore-ում և Google Play-ում:

Թեժ գիծ

Տեղեկատվության ազատության ապահովման պատասխանատու

1-17(զանգն անվճար է)

+374 (10) 527-000(արտերկրից զանգերի համար)

Պաշտոնական էլ. փոստ

(միայն www.e-citizen.am համակարգով ծանուցումների համար)

Էլ. կառավարում

Պաշտոնական լրահոս

երկուշաբթի, 3 դեկտեմբերի 2012

Վարչապետը ծանոթացել է Ալեքսանդր Սպենդիարյանի տուն-թանգարանում կատարված հիմնանորոգման աշխատանքներին





Վարչապետ Տիգրան Սարգսյանը ՀՀ մշակույթի նախարար Հասմիկ Պողոսյանի ուղեկցությամբ այցելել է Ալեքսանդր Սպենդիարյանի տուն-թանգարան, ծանոթացել կատարված հիմնանորոգման աշխատանքներին:
Տուն-թանգարանի հիմնանորոգման աշխատանքները պետական ֆինանսավորման ծրագրով մեկնարկել էին 2011թ.: Նախագծային աշխատանքների համար ներդրվել է 1 մլն 800 հազար, իսկ շինաշխատանքների՝ 29 մլն 468 հազար դրամ: Վերանորոգվել է տուն-թանգարանի ողջ տարածքը. հիմնական ցուցադրության, գրասենյակային, ֆոնդային, և մինչև այդ չգործող կիսանկուղային հարկը հիմնանորոգվել է և վերածվել դահլիճի:
Այսօր տուն-թանգարանը ներկայանում է ժամանակակից չափանիշներին համապատասխան նոր ցուցադրությամբ, որում կարևորվել է Սպենդիարյանի ստեղծագործական ժառանգության տեղն ու դերը 20-րդ դարի համաշխարհային և, մասնավորապես, հայկական երաժշտարվեստի զարգացման գործում, նրա անգնահատելի դերը հայկական սիմֆոնիկ երաժշտության հիմնադրման, սիմֆոնիկ նվագախմբի ստեղծման, օպերային ստուդիայի ձևավորման գործում: Օգտագործվել են նորագույն տեխնոլոգիաներ` գրավիչ ու ամբողջական ցուցադրություն ներկայացնելու համար: Այստեղ այցելուները բացի կոմպոզիտորի կյանքին հաղորդակից լինելուց, կներգրավվեն տարածաշրջանում միակ` «Ես դիրիժոր եմ» ինտերակտիվ խաղին, որով կարող են փորձարկել իրենց դիրիժորական կարողությունները:
Վերանորոգումից հետո գործող հիմնական ցուցադրությունն իրականացվել է պետական ֆինանսավորման ծրագրով: Այն տուն-թանգարանի պատմության մեջ 3-րդ հիմնական ցուցադրությունն է, որի ձևավորման էսքիզային և դետալավորման նախագծային ու ցուցադրության աշխատանքներն իրականացվել են 2012թ:
Տուն-թանգարանը հիմնադրվել է 1963թ., բացվել` 1967 թ. նոյեմբերի 25-ին: Հանրապետության առաջին երաժշտական թանգարանն է:
Նալբանդյան 21 հասցեում գտնվող տուն-թանգարանի շենքը կառուցվել է 1925-26 թթ.` ճարտարապետ Նիկողայոս Բունիաթյանի նախագծով և ընդգրկված է Երևանի պատմության և մշակույթի հուշարձանների պետական ցանկում` որպես հանրապետական նշանակության հուշարձան: 1926 թ. ճարտարապետ Ալեքսանդր Թամանյանի առաջարկությամբ բնակարանը հատկացվել է Ալեքսանդր Սպենդիարյանին, որտեղ կոմպոզիտորն ապրել է մինչև կյանքի վերջը` 1928 թ.:
Տուն-թանգարանը ստեղծվել է նրա դստեր` Մարինա Սպենդիարովայի ջանքերով. թանգարանի հավաքածուի մեծ մասը`կոմպոզիտորի անձնական իրերը, փաստաթղթերը, նամականին և ձեռագրերը, նրա նվիրատվություններն են:
Պետական ֆինանսավորմամբ առաջին անգամ այն վերանորոգվել է 1987թթ., սակայն անցումային շրջանում առաջացած ֆինանսական խնդիրների պատճառով աշխատանքներն ամբողջությամբ չեն իրականացվել. վերանորոգվել էր միայն թանգարանի մշտական ցուցադրության տարածքը:
Կառավարության ղեկավարին է ներկայացվել նաև Ալեքսանդր Սպենդիարյանի 140-ամյակին նվիրված «Հուշեր» ժողովածուն:
 

Փետրվար 2020
ԵրկԵրքՉրքՀնգՈւրՇբթԿրկ
 12
3456789
10111213141516
17181920212223
242526272829 

-

Արխիվ