երկուշաբթի, 5 հունիսի 2000
Այսօր Ն.Ս.Օ.Տ.Տ. Գարեգին Բ կաթողիկոսն այցելեց ՀՀ վարչապետ Անդրանիկ Մարգարյանին: Վեհափառ Հայրապետը Հայաստանյայց Առաքելական սուրբ եկեղեցու անունից այս դժվարին ժամանակներում ուժ, կարողություն մաղթեց վաչապետին իր հայրենանվեր գործունեության մեջ: Ն.Ս.Օ.Տ.Տ. Գարեգին Բ կաթողիկոսը մեկ անգամ ևս վստահեցրեց վարչապետին, որ եկեղեցին իր բոլոր հնարավորությունները ի գործ կդնի պետությանը զորակցելու համար: Հանդիպմանը քննարկվեցին եկեղեցի-պետություն հարաբերություններին առնչվող մի շարք խնդիրներ, այդ թվում՝ Հայաստանում քրիտոնեության ընդունման1700-ամյակի միջոցառումների շրջանակներում պետության աջակցության հարցը եկեղեցուն: Վարչապետ Անդրանիկ Մարգարյանը հույս հայտնեց, որ եկեղեցին կշարունակի կարևոր դերակատարում ունենալ մեր պետականության ամրապնդման գործում և սատար կլինի իշխանություններին, նրանց հայրենանպաստ գործունեության մեջ: Կառավարությունը, վարչապետի հավաստմամբ, պատրաստ է իր օժանդակությունը ցուցաբերել եկեղեցուն՝ պետություն-եկեղեցի հարաբերություններում առկա խնդիրները լուծելու համար: Այդ առումով վարչապետը կարևորեց եկեղեցու և ՀՀ կառավարության միջև կնքված հուշագիրը, որով շատ հարցեր արդեն իսկ հստակեցված են և մնում է այդ փաստաթղթի շրջանակներում նախատեսված աշխատանքները գործնական հարթության վրա տեղափոխել:
