Հայաստանի Հանրապետության Կառավարություն

Սարգիս Բորիկի Հովհաննիսյանը ծնվել է 1968թ. մարտի 2-ին, Երևան քաղաքում:

1986-1988թթ. ծառայել է ԽՍՀՄ ԶՈՒ-ում (Աֆղանստանի Հանրապետություն):

1990-1992թթ. մասնակցել է ՀՀ և ԼՂՀ պաշտպանության մարտական գործողություններին:

1991-1992թթ. ծառայել է ՀՀ ՆԳՆ միլիցիայի հատուկ նշանակության ջոկատում՝ զբաղեցնելով միլիցիոների պաշտոն:

1991-1996թթ. սովորել է Երևանի «Գրիգոր Զոհրապ» համալսարանի հեռակա բաժնում՝ իրավագիտություն մասնագիտությամբ:

1992-1998թթ. ծառայել է ՀՀ ՆԳՆ Նախագահի և բարձրաստիճան պաշտոնատար անձանց անվտանգության ապահովման վարչությունում՝ զբաղեցնելով թիկնապահից մինչև բաժնի պետի պաշտոններ:

1998-2004թթ. ծառայել է ՀՀ ազգային անվտանգության մարմիններում՝ զբաղեցնելով բաժանմունքի պետի պաշտոն:

2004-2023թթ. ծառայել է ՀՀ ազգային անվտանգության մարմինների Պետական պահպանության ծառայությունում՝ զբաղեցնելով բաժանմունքի պետից մինչև ծառայության պետի պաշտոններ:

2021թ. հուլիսի 5-ին Հայաստանի Հանրապետության նախագահի հրամանագրով շնորհվել է գեներալ-մայորի զինվորական կոչում:

2023թ. ապրիլի 28-ին ՀՀ վարչապետի որոշմամբ նշանակվել է Հայաստանի Հանրապետության պետական պահպանության ծառայության պետ:

Ամուսնացած է, ունի երեք որդի: