Հայաստանի Հանրապետության Կառավարություն

Այն հանրակրթական բնագավառում հնարավորություն կընձեռի բարձրացնել մանկավարժական, վարչական, ուսումնաօժանդակ և տնտեսական անձնակազմի միջին ամսական աշխատավարձը, ինչի արդյունքում 2009թ. մանկավարժների հաշվարկային միջին ամսական աշխատավարձը (1 դրույքի հաշվով, ներառյալ լրացուցիչ վարձատրությունները) կհասցվի 116.3 հազ. դրամի (ներկայիս մոտ 89.6 հազ. դրամի դիմաց), վարչական անձնակազմի միջին ամսական աշխատավարձը` 176.1 հազ. դրամի (ներկայիս մոտ 136.0 հազ. դրամի դիմաց)։

Կրթության բնագավառում հիմնական գերակայություն է համարվում հանրակրթության ոլորտը, որին 2009 թվականի պետական բյուջեի նախագծով (հանրակրթական, երաժշտական և երեկոյան դպրոցներում ուսուցում) նախատեսվել է 71012.9 մլն դրամ։ Հանրակրթության ոլորտում շարունակում է կարևոր տեղ զբաղեցնել հատուկ կրթության համակարգը, որի գծով ծախսերը ՀՀ 2008 թվականի ճշտված պետական բյուջեի համապատասխան ցուցանիշի նկատմամբ աճել են 960.9 մլն դրամով կամ 25.9 տոկոսով։ Եկող տարվա բյուջեով զգալի միջոցներ են նախատեսվել նաև «Նախնական մասնագիտական (արհեստագործական) կրթություն» դասի, «Միջին մասնագիտական կրթություն» դասի, «Բարձրագույն կրթության» գծով և ոլորտի մի շարք այլ ծրագրերի մասով։