Հայաստանի Հանրապետության Կառավարություն

Տարեթիվ, ամսաթիվ, ծննդավայր
Ծնվել է 1962 թ․ սեպտեմբերի 9-ին Երևանում:

Կրթություն
1979-1984 թթ. սովորել է ԵՊՀ կիրառական մաթեմատիկայի ֆակուլտետում:
1986-1989 թթ. սովորել է ԽՍՀՄ ԳԱ Վ. Ա. Ստեկլովի անվան մաթեմատիկական ինստիտուտի ասպիրանտուրայում:

Գիտական աստիճան, կոչում
Ֆիզիկամաթեմատիկական գիտությունների դոկտոր, պրոֆեսոր

Աշխատանքային գործունեություն
1984-1986 թթ. գիտահետազոտական աշխատանք է կատարել ԽՍՀՄ ԳԱ Վ. Ա. Ստեկլովի անվան մաթեմատիկական ինստիտուտում։
1990-2020 թթ. աշխատել է ԵՊՀ ինֆորմատիկայի և կիրառական մաթեմատիկայի ֆակուլտետում։
2000-2020 թթ. եղել է ԵՊՀ ինֆորմատիկայի և կիրառական մաթեմատիկայի ֆակուլտետի դեկան:
2020 թ. նոյեմբերի 23-ին նշանակվել է ՀՀ կրթության, գիտության, մշակույթի և սպորտի նախարար։
2021-2023 թթ. - ՀՀ կրթության, գիտության, մշակույթի և սպորտի նախարար։
2023-2025 թթ. - ՀՀ նախագահի խորհրդական:
2025 թ. ապրիլի 30-ին նշանակվել է ՀՀ վարչապետի խորհրդական:

Այլ տվյալներ
2001 թ.-ից ICPC համալսարանական թիմերի ծրագրավորման միջազգային օլիմպիադայի Հայաստանի տարածաշրջանի տնօրենն է։
2006 թ. եղել է «Այլընտրանք» հասարակական-քաղաքական նախաձեռնության հիմնադիր անդամ:
2007-2020 թթ. եղել է ՀՀ դպրոցականների ինֆորմատիկայի առարկայական օլիմպիադայի հանրապետական հանձնաժողովի նախագահը։
2008-2019 թթ. եղել է ԵՊՀ-ում գործող ԲՈԿ-ի «Մաթեմատիկական կիբեռնետիկա» մասնագիտական խորհրդի գիտական քարտուղարը։
2022 թ.-ից «Հայաստանի սպորտային ծրագրավորման ֆեդերացիա» հասարակական կազմակերպության նախագահն է:
Բազմաթիվ գիտական և ուսումնամեթոդական աշխատությունների հեղինակ է։
Գիտահետազոտական աշխատանք է կատարել նաև Մ.Վ․Լոմոնոսովի անվան Մոսկվայի պետական համալսարանում, Ս. Բանախի անվան միջազգային մաթեմատիկական կենտրոնում (Վարշավա), Թրիրի և Պադերբորնի համալսարաններում (Գերմանիա)։
Հայկական մաթեմատիկական ասոցիացիայի անդամ է։
Պարգևատրվել է ԵՊՀ և ԿԳՆ ոսկե մեդալներով։
2024 թ. ստացել է ԵՊՀ պրոֆեսոր-էմերիտուս պատվավոր կոչում:

Անձնական տվյալներ
Ամուսնացած է, ունի դուստր և որդի։