Հայաստանի Հանրապետության Կառավարություն

Ազգային փոքրամասնությունների հարցերով Խորհրդի (այսուհետ՝ Խորհուրդ) ազգային փոքրամասնություններ ներկայացնող անդամների լիազորությունները դադարում են 2026թ. մայիսի 17-ին:

Հիմք ընդունելով ՀՀ վարչապետի «Ազգային փոքրամասնությունների հարցերով խորհուրդ ստեղծելու և խորհրդի կազմը հաստատելու մասին» 03.05.19թ. թիվ 486–Լ որոշման (այսուհետ՝ Որոշում) 3-րդ կետի պահանջը՝ յուրաքանչյուր ազգային փոքրամասնություն ներկայացնող հասարակական կազմակերպություն (այսուհետ՝ ՀԿ) կարող է ներկայացնել Խորհրդի անդամի թեկնածու:

Թեկնածու ներկայացնելու անհրաժեշտ պահանջներ.
• Յուրաքանչյուր ազգային փոքրամասնություն Խորհրդի կազմում կարող է ունենալ ոչ ավելի, քան երկու անդամ:
• Թեկնածու ներկայացնելու իրավունք ունեն առնվազն հինգ տարվա պետական գրանցում ունեցող ազգային փոքրամասնություն ներկայացնող հասարակական կազմակերպությունները:
• Եթե որևէ ազգային փոքրամասնություն ներկայացնող հասարակական կազմակերպությունների թիվը մեկից ավելին է, ապա յուրաքանչյուր կազմակերպություն ներկայացնում է մեկ թեկնածու:
• Եթե նույն ազգային փոքրամասնությունը ներկայացնող թեկնածուների թիվը 2-ից ավելի է, ապա ընտրությունը կատարում է Խորհրդի նախագահը:

Թեկնածուների տվյալների և անհրաժեշտ փաստաթղթերի ներկայացման վերջնաժամկետն է՝ 2026 թվականի մարտի 17-ը ներառյալ:

Խորհրդի կազմ մտնելու հավակնող կամ Խորհրդի նոր անդամի թեկնածու առաջարկող հասարակական կազմակերպությունը պետք է պաշտոնական գրությամբ դիմի ՀՀ վարչապետի աշխատակազմին՝ գրությանը կցելով նաև հետևյալ փաստաթղթերը.

1. Դիմում ( ձևանմուշը կցվում է)
2. Դիմող ՀԿ-ի պետական գրանցումը հաստատող վկայականի պատճենը,
3. Կազմակերպության կողմից ներկայացված թեկնածուի ընտրությունը հաստատող ժողովի արձանագրությունը,
4. Համառոտ տեղեկություն՝ առնվազն վերջին հինգ տարվա ընթացքում կազմակերպության գործունեության մասին,
5. Թեկնածուի տվյալները՝ անուն, ազգանուն, հայրանուն, կոնտակտային տվյալներ (բջջային հեռախոս, էլ. փոստի հասցե), անձնագրի պատճեն:
Խորհրդի նոր անդամի թեկնածու առաջարկող հասարակական կազմակերպությունը պաշտոնական գրությունը կարող է ուղարկել նաև էլ. փոստի հետևյալ հասցեով narine.gulyan@gov.am:

Ազգային փոքրամասնությունների և կրոնի հարցերի բաժին
Հեռ. 010 515 741