Հայաստանի Հանրապետության Կառավարություն

Ծրագրով նախատեսված աշխատանքների համառոտ նկարագիրը

1) իրականացնում է համապատասխան մարմինների ներկայացրած վերապատրաստման ծրագրերի ուսումնասիրություն և մասնակցում է դրանց հաստատմանը համաձայնություն տալու գործընթացներին,
2) իրականացնում է վերապատրաստման արդյունքների ուսումնասիրություն և վերլուծություն,
3) մասնակցում է կոմպետենցիաների վերաբերյալ վերապատրաստումների կազմակերպման աշխատանքներին,
4) մասնակցում է Վարչության գործառույթներից բխող ենթաօրենսդրական նորմատիվ իրավական ակտերի մշակման աշխատանքներին և ներկայացնում է առաջարկություններ էլեկտրոնային կառավարմամբ իրականացվող գործընթացների ծրագրային շահագործման կառուցակարգերի վերաբերյալ։

Փորձագետ ներգրավելու ժամկետը
Փորձագետ նախատեսվում է ներգրավել պայմանագիր կնքելու օրվանից մինչև 1 տարի ժամանակահատվածով։

Փորձագետին ներկայացվող պահանջները՝
Սույն ծրագրով նախատեսված աշխատանքների իրականացման համար փորձագետը պետք է ունենա`
• Հայաստանի Հանրապետության քաղաքացիություն,
• բարձրագույն կրթություն,
• էլեկտրոնային կառավարմամբ իրականացվող գործընթացների շահագործման փորձառություն,
• տվյալների բազայի հետ աշխատելու ունակություն,
• Windows, Word, Excel, Access ծրագրերի իմացություն,
• հայերենի (պարտադիր), իսկ ռուսերենի կամ անգլերենի՝ բավարար իմացություն:

Փորձագետի պարտականությունները`
Բարեխղճորեն կատարել պայմանագրով ստանձնած աշխատանքները, պահպանել աշխատակազմի ներքին կարգապահական կանոնները, աշխատանքային կարգապահությունը, աշխատանքի պաշտպանության և անվտանգության ապահովման միջոցները, իրականացնել աշխատանքային օրենսդրությամբ, «Հանրային ծառայության մասին» ՀՀ օրենքով և պայմանագրով իրեն վերապահված պարտականությունները:

Աշխատանքի վայրը ` Հայաստանի Հանրապետություն, Երևան, Տերյան 89:

Փաստաթղթերի ներկայացման վերջնաժամկետն է` 2026 թվականի հունվարի 29-ը ներառյալ։

Չի թույլատրվում պայմանագիր կնքել, եթե տվյալ անձը պաշտոնից ազատվել կամ տվյալ անձի ծառայությունը վերջին մեկ տարվա ընթացքում դադարեցվել է կարգապահական տույժ կիրառելու, օրենքով սահմանված փորձաշրջանը չանցնելու, օրենքի խախտմամբ պաշտոնի նշանակվելու, «Հանրային ծառայության մասին» Հայաստանի Հանրապետության օրենքով սահմանված անհամատեղելիության պահանջները չպահպանելու, Հայաստանի Հանրապետության քաղաքացիությունը դադարեցնելու, ուժի մեջ մտած՝ նրա նկատմամբ կայացված մեղադրական դատավճռի դեպքերում, բացառությամբ այն դեպքերի, երբ նշանակվել է տուգանք, ինչպես նաև երկու տարի անընդմեջ իր մեղքով վերապատրաստման անհատական ծրագրով հաստատված կրեդիտները չստանալու դեպքում:

Ընտրություն կատարելու եղանակը` դիմում ներկայացրած քաղաքացիների փաստաթղթերի ուսումնասիրություն:
Դիմող ՀՀ քաղաքացիները anna.hunanyan@gov.am էլեկտրոնային փոստով պետք է ներկայացնեն հետևյալ փաստաթղթերը.
1) դիմում (ձևանմուշը կցվում է).
2) անձնագրի և հանրային ծառայության համարանիշը հավաստող փաստաթղթի պատճենները.
3)կրթությունը հավաստող պետական նմուշի փաստաթղթի (փաստաթղթերի) պատճենը (պատճենները).
4)աշխատանքային գործունեությունը հավաստող փաստաթղթերի պատճենը (պատճենները)
4)արական սեռի անձինք նաև զինվորական գրքույկի կամ դրան փոխարինող ժամանակավոր զորակոչային տեղամասին կցագրման վկայականի պատճենը կամ համապատասխան տեղեկանք.
6) մեկ լուսանկար 3x4 սմ չափսի.
7) համառոտ CV:

Լրացուցիչ տեղեկություններ ստանալու համար կարող են դիմել վարչապետի աշխատակազմ (ք.Երևան, Հանրապետության հրապարակ, Կառավարական տուն 1, հեռ. +374 10 515 756, էլ. փոստ` anna.hunanyan@gov.am):