Հայաստանի Հանրապետության Կառավարություն

Եվրոպայի խորհրդի Նախարարների կոմիտեն սեպտեմբերի 15-ից 17-ը ընթացող նիստի արդյունքում՝ իր որոշմամբ դադարեցրել է Մուրադյանն ընդդեմ Հայաստանի, Անահիտ Մկրտչյանն ընդդեմ Հայաստանի, Աշոտ Մալխասյանն ընդդեմ Հայաստանի, Օհանջանյանն ընդդեմ Հայաստանի, Դիմաքսյանն ընդդեմ Հայաստանի, Վարյանն ընդդեմ Հայաստանի գործերով վճիռների կատարողական-վերահսկողական վարույթների անհատական միջոցառումների վերահսկողությունը:

Նախարարների կոմիտեն իր վերջնական բանաձևով (CM/ResDH(2025)250) հաստատել է, որ ուսումնասիրելով վերոնշյալ խումբ գործերով ՀՀ կառավարության կողմից ներկայացված գործողությունների ծրագիրը և հաշվետվությունը, գտնում է, որ պետության կողմից ձեռնարկվել են հնարավոր անհատական միջոցառումները և հետագա գործողությունների կատարումն այլևս անհնարին է:

Այսպիսով, Նախարարների կոմիտեի այս բանաձևով դադարեցվել է խմբում ներառված 8 գործերից 6 վճիռների կատարողական-վերահսկողական վարույթների անհատական միջոցառումների վերահսկողությունը: Արդյունքում, Նախարարների կոմիտեի կողմից փակվել է խմբի ուղենիշային գործ որակված Մուրադյանն ըննդեմ Հայաստանի գործի կատարողական-վերահսկողական վարույթը և խումբը վերանվանվել է «Նանա Մուրդյանն ընդդեմ Հայաստանի խումբ գործեր», որի շրջանակում շարունակվելու է քննվել վերահսկողության ենթակա գործերի ընդհանուր և անհատական միջոցառումների կատարումը: