Հայաստանի Հանրապետության Կառավարություն

Վարչապետի աշխատակազմը հրավիրում է հասարակական կազմակերպությունների, հիմնադրամների, մասնավոր հատվածի, հետազոտական և ակադեմիական կառույցների ներկայացուցիչներին, անկախ փորձագետներին և բոլոր հետաքրքրված կողմերին մասնակցելու հանդիպումների Վարչապետի աշխատակազմում։ Քննարկվելու են հանրություն-կառավարություն երկխոսության ներկա վիճակը. հանրային մասնակցության փորձը, խնդիրները, հաջողությունները և ակնկալիքները։
Հանդիպումների նպատակը հանրային մասնակցության և երկխոսության համար ինստիտուցիոնալ մեխանիզմների մշակման շուրջ քննարկումներ անցկացնելն է՝ հիմնվելով քարտեզագրման, չափման և գնահատման համապատասխան գործիքների վրա։ Կքննարկվի նաև շարունակական համագործակցության հարթակի ձևավորման անհրաժեշտությունը:

Հանդիպումները տեղի կունենան փոքր խմբերով՝ ապահովելու խորքային քննարկումներ և մասնակիցների ակտիվ ներգրավվածություն։
Մասնակցության համար անհրաժեշտ է գրանցվել հետևյալ հղմամբ՝ https://docs.google.com/forms/d/1BL0QiUru2WakazKGnqGGnSoqxS0Qau7Ug-39v1YSJlQ/edit