ուրբաթ, 7 օգոստոսի 2026
Փոխվարչապետ Տիգրան Խաչատրյանը մասնակցել է Շինարարի օրվան նվիրված միջոցառմանը
Փոխվարչապետ Տիգրան Խաչատրյանն այսօր մասնակցել է շինարարների մասնագիտական տոնին և Հայաստանի շինարարների միության 30-ամյակին նվիրված հոբելյանական միջոցառմանը։
Շնորհավորելով շինարարներին մասնագիտական տոնի առթիվ՝ փոխվարչապետը բարձր է գնահատել նրանց նվիրումն ու պատասխանատու աշխատանքը՝ ընդգծելով, որ շինարարների ստեղծածն ու կառուցածը երկար տարիներ ծառայելու է հանրությանը՝ դառնալով երկրի դիմագծի, զարգացման և առաջընթացի անբաժանելի մասը։ Անդրադառնալով Հայաստանի շինարարների միության 30-ամյակին՝ փոխվարչապետը կարևորել է Միության դերակատարումը ոլորտի զարգացման գործում՝ վստահություն հայտնելով, որ այն կշարունակի նպաստել պետություն-մասնավոր արդյունավետ համագործակցության ամրապնդմանը։
Իր ելույթում Տիգրան Խաչատրյանն ընդգծել է, որ շինարարությունը մշտապես եղել է Հայաստանի սոցիալ-տնտեսական զարգացման կարևոր հենասյուներից մեկը։ Այս համատեքստում փոխվարչապետը վստահեցրել է, որ շինարարության ոլորտի կայուն զարգացումն ու նոր ծրագրերի իրականացումն ապահովելու նպատակով Կառավարությունը կապիտալ ներդրումների ընդլայնման իր հանձնառությանը զուգահեռ շարունակելու է ոլորտային կարգավորումների լավարկմանն ու մասնավոր հատվածի հետ արդյունավետ համագործակցությանապահովմանն ուղղված աշխատանքները։
Շնորհավորական ելույթներով հանդես են եկել նաև Կրթության, գիտության, մշակույթի և սպորտի նախարար Ժաննա Անդրեասյանը,Քաղաքաշինության կոմիտեի նախագահ Եղիազար Վարդանյանը,Երևանի քաղաքապետի տեղակալ Լևոն Հովհաննիսյանը և Հայաստանի շինարարների միության նախագահ Վահան Հարությունյանը:
Ելույթներին հաջորդել է պարգևատրման արարողությունը:
