Հայաստանի Հանրապետության Կառավարություն

Փոխվարչապետ Մհեր Գրիգորյանն ընդունել է Արժույթի միջազգային հիմնադրամի (ԱՄՀ) հայաստանյան առաքելության ղեկավար Նաթան Փորթերին: Հանդիպմանը ներկա էր նաև ՀՀ-ում ԱՄՀ մշտական ներկայացուցիչ Մեհդի Ռաիսին:

Ողջունելով հյուրերին՝ փոխվարչապետը ներկայացրել է Կառավարության ծրագրով նախատեսված հիմնական բարեփոխումների շրջանակը: ԱՄՀ գործընկերները գոհունակությամբ նշել են, որ Կառավարության ծրագրում արտացոլված են ԱՄՀ ծրագրով սահմանված առաջնահերթությունները:

Ընդգծվել են հանրային ներդրումների արդյունավետ կառավարման, հարկային քաղաքականության ու վարչարարության համակարգի բարելավման, բիզնեսի թափանցիկության խթանման, պետություն-մասնավոր գործընկերության օրենսդրական դաշտի կատարելագործման կարևորությունը, ինչպես նաև այս ուղղություններով համագործակցության խորացման հնարավորությունը: