Այս բաժինը հնարավորություն է տալիս գրավոր արտահայտել Ձեր կարծիքը, տեսակետը և դիրքորոշումը: Ի տարբերություն դիմումների, նամակները պաշտոնական ընթացակարգով քննության չեն առնվում:

Ձեր պաշտոնական դիմումը ՀՀ կառավարությանն այլևս թափանցիկ ընթացակարգ ունի: Մեր կայքի շնորհիվ Դուք կարող եք տեղեկանալ, թե կառավարության որ մարմնին կամ պաշտոնյային է Ձեր առձեռն հանձնած կամ փոստով ուղարկած դիմումը վերահասցեագրվել:

Որոնում

iGov.am iPhone/iPad application Այսուհետ կարող եք օգտվել մոբայլ սարքերի համար iGov.am հավելվածից, որը հնարավոր է ներբեռնել AppStore-ում և Google Play-ում:

Թեժ գիծ

Տեղեկատվության ազատության ապահովման պատասխանատու
Ներքին և արտաքին ազդարարման պատասխանատու

1-17(զանգն անվճար է)

+374 (10) 527-000(արտերկրից զանգերի համար)

Պաշտոնական էլ. փոստ

(միայն www.e-citizen.am համակարգով ծանուցումների համար)

Էլ. կառավարում

Կազմ

Կարեն Անդրեասյան

Կարեն Անդրեասյան

Արդարադատության նախարար

Կենսագրական տվյալներ

Տարեթիվ, ամսաթիվ, ծննդավայր
10 սեպտեմբերի 1977թ., ք. Երևան:

Կրթություն
1994 – 1999 թվականներին սովորել և գերազանցությամբ ավարտել է Երևանի պետական համալսարանի իրավաբանական ‎ֆակուլտետը:
1999 – 2002 թվականներին սովորել է Երևանի պետական համալսարանի իրավաբանական ‎ֆակուլտետի ասպիրանտուրայում և 2002 թվականին պաշտպանել է թեկնածուական թեզը սահմանադրական և վարչական իրավունքի գծով:
1999 թվականին սովորել է Մարդու միջազգային իրավունքներ և վարչական իրավունք ԱՄՆ Քալիֆորնիայի նահանգի Բերկլիի Համալսարանում:
1999 և 2001 թվականներին վերապատրաստվել է Մեծ Բրիտանիայի Օքսֆորդի համալսարանում` մասնակցելով տեղեկատվական իրավունքի դասընթացների:
2001 թվականին մարդու իրավունքների միջազգային պաշտպանության վերաբերյալ երկամսյա ուսուցում է անցել Մոնրեալում` Մարդու իրավունքների կանադական կենտրոնում:
2003, 2005 և 2007 թվականներին Նիդերլանդների թագավորությունում մասնակցել է տեղեկատվական իրավունքի, հետաքննական լրագրության և լրագրողական էթիկայի խնդիրներին առնչվող Եվրոպական լրագրության կենտրոնի կողմից կազմակերպված դասընթացների:

Աշխատանքային գործունեություն
1997 թվականին աշխատել է Երևանի քաղաքապետարանի կոմունալ շինարարության և բարեկարգման վարչությունում՝ որպես առաջին կարգի մասնագետ:
1997-1998 թվականներին աշխատել է որպես մարդու իրավունքների ուսուցիչ՝ թիվ 120 միջնակարգ դպրոցում:
1998-1999 թվականին աշխատել է ՀՀ պաշտանության նախարարության արտաքին հարաբերությունների և ռազմական համագործակցության վարչությունում՝ որպես թարգմանիչ-ռեֆերենտ:
1999 թվականին աշխատել է Ավան և Նոր Նորք համայնքների առաջին ատյանի դատարանի նախագահի օգնական:
1999-2001 թվականներին դասավանդել է վարչական իրավունք՝ ՀՀ Ոստիկանության ակադեմիայում:
2000 թվականին համատեղությամբ աշխատել է ՀՀ Իրավաբանների միության անվճար իրավական օգնության կենտրոնում` որպես տնօրեն:
2001 թվականին համատեղությամբ աշխատել է «Քաղաքացիական կրթության ծրագիր» միջազգային կազմակերպությունում` որպես ծրագրի համակարգող:
2001-2002 թվականներին համատեղությամբ աշխատել է «Ինտերնյուս» հասարակական կազմակերպությունում՝ որպես իրավաբան։
2001-2007 թվականներին դասավանդել է սահմանադրական իրավունք, վարչական իրավունք և տեղեկատվական իրավունք Երևանի պետական համալսարանի իրավաբանական ֆակուլտետում (2005 թվականին շնորհվել է Երևանի պետական համալսարանի դոցենտի գիտական կոչում):
2003 թվականին աշխատել է Մեծ Բրիտանիայի Օքսֆորդի համալսարանի Սոցիոլոգիական և իրավական հետազոտությունների կենտրոնում` որպես ավագ գիտաշխատող:
2003-2004 թվականներին՝ որպես միջազգային փորձագետ և խորհրդատու, միաժամանակ աշխատել է Մեծ Բրիտանիայում գտնվող «Հոդված 19» միջազգային կազմակերպությունում, Հունգարիայում տեղակայված «Բաց Հասարակության իրավական նախաձեռնություն» միջազգային կազմակերպությունում, Բուլղարիայի «Տեղեկատվության մատչելիություն» կազմակերպությունում:
2003-2004 թվականներին դասավանդել է մարդու իրավունքներ՝ Աբխազիայում, Հարավային Օսիայում և Ղարաբաղում անցկացված լրագրողների համար նախատեսված սեմինարներին:
2005-2008 թվականներին աշխատել է Ամերիկյան իրավաբանների ընկերակցությունում` որպես իրավաբան, հետո գլխավոր իրավաբան, այնուհետև` փոխտնօրեն:
2006-2007 թվականներին համատեղությամբ աշխատել է որպես ՀՀ Սահմանադրական դատարանի նախագահի խորհրդական:
2007 թվականին վարել է «Երկրի թեմա» հաղորդաշարը՝ «Երկիր Մեդիա» հեռուստաընկերությունում:
2009 և 2010 թվականներին հեղինակել և վարել է «Իրականում» հաղորդաշարը՝ «Արմենիա» հեռուստաընկերությունում:
2008-2009 թվականներին Եվրոպական լրագրության կենտրոնի հետ համատեղ կազմակերպել է տեղեկատվական իրավունքի և հետաքննական լրագրության բուհական մրցույթ լրագրող և իրավաբան ուսանողների համար:
2008-2010 թվականներին հանդիսացել է «ԴԻՖԵՆՍ» իրավաբանական ընկերության տնօրենը:
2011 թվականին ընտրվել է ՀՀ մարդու իրավունքների պաշտպան և պաշտոնավարել մինչև 2016 թվականը։
2016-2021 թվականներին կատարել է փորձագիտական և խորհրդատվական աշխատանքներ ՄԱԿ Զարգացման ծրագրում, Checchi and Company Consulting ընկերությունում, MSI-ում (Management Systems International), Եվրոպական լրագրության կենտրոնում, «Մելլաթ Բանկ» ՓԲԸ-ում, «Ինֆորմացիայի ազատության կենտրոն» ՀԿ կողմից իրականացվող Եվրոպական Միության կողմից համաֆինանսավորվող «Տեղեկատվության մատչելիություն և հետաքննական լրագրություն ավելի տեղեկացված քաղաքացիների համար» ծրագրում։
2017-2021 թվականներին զբաղվել է նաև ձեռնարկատիրական գործունեությամբ։
2021 թվականի օգոստոսի 3-ին ՀՀ նախագահի հրամանագրով նշանակվել է ՀՀ արդարադատության նախարար։

Այլ տվյալներ
2006 թվականից ՀՀ փաստաբանների պալատի անդամ է։
Շուրջ քսան հրապարակված գիտական հոդվածների, ուսումնական ձեռնարկների և այլ աշխատությունների հեղինակ է:

Անձնական տվյալներ
Ամուսնացած է, ունի երկու որդի, մեկ դուստր: