չորեքշաբթի, 10 հունիսի 2015
Հուլիսի 1-ից զինվորական կենսաթոշակի հիմնական չափը կբարձրանա
ՀՀ կառավարության որոշմամբ հուլիսի 1-ից զինվորական կենսաթոշակի հիմնական չափը կբարձրանա. այս մասին որոշումն ընդունվել է գործադիրի այսօրվա նիստում: Ինչպես նիստից հետո ՀՀ կառավարության մամուլի կենտրոնում կայացած ասուլիսում նշել է ՀՀ աշխատանքի և սոցիալական հարցերի նախարար Արտեմ Ասատրյանը, կատարված փոփոխությունների համաձայն՝ զինվորական կենսաթոշակի չափը հաշվարկելու հիմնական կենսաթոշակի չափը կկազմի 16 հազար դրամ՝ 14 հազար դրամի փոխարեն, իսկ զինծառայության ստաժի մեկ տարվա արժեքը 1500 դրամ՝ 1300 դրամի փոխարեն:
«Կենսաթոշակների շարունակական բարձրացումը գտնվում է կառավարության քաղաքականության գերակայությունների շրջանակում»,-նշել է նախարարը, հավելելով, որ հուլիսի 1-ից երկարամյա ծառայության զինվորական կենսաթոշակի միջին չափը կավելանա 14 տոկոսով:
