հինգշաբթի, 26 մարտի 2015
Արման Խաչատրյանը ներկայացրել է Հայաստանի զարգացման հիմնադրամի գործունեության արդյունքներն ու ապագա ծրագրերը
Հայաստանի զարգացման հիմնադրամի գործունեության ուղղությունները երեքն են՝ ներդրումների, արտահանումների խթանում և զբոսաշրջության զարգացում: Ինչպես ՀՀ կառավարության մամուլի կենտրոնում կայացած ասուլիսում նշել է հիմնադրամի տնօրենի ժամանակավոր պաշտոնակատար Արման Խաչատրյանը, գործունեության կարճ ժամանակահատվածում հիմնադրամը կազմակերպել է արդեն երկու տասնյակ միջոցառումներ: Մասնավորապես, կազմակերպվել է հայկական արտադրող ընկերությունների մասնակցությունը մի շարք երկրներում կայացած ցուցահանդեսներին:
Անդրադառնալով հիմնադրամի ապագա ծրագրերին, մասնավորապես նշվել է, որ ապրիլի 26-28-ը Երևանում կանցկացվի «Արտադրված է Հայաստանում Էքսպո 2015» ցուցահանդեսը, որի հիմնական նպատակն է ներկայացնել ՀՀ արդյունաբերության առկա ներուժը, արդյունաբերության զարգացման հնարավորությունները, նպաստել նոր շուկաների բացահայտմանը, գործարար կապերի հաստատմանը:
