Հայաստանի Հանրապետության Կառավարություն

ՀՀ կառավարությունը հավանություն է տվել «Դեղերի մասին», «Լիցենզավորման մասին» և ևս հինգ օրենքներում փոփոխություններ և լրացումներ կատարելու օրենքների նախագծերի փաթեթին, որոնք սահմանված կարգով կներկայացվեն ՀՀ Ազգային ժողով: ՀՀ կառավարության մամուլի կենտրոնում կայացած ասուլիսում ՀՀ առողջապահության նախարար Արմեն Մուրադյանը նշել է, որ օրենքների նոր նախագծերով կանոնակարգվում է դեղատոմսով դեղերի շրջանառությունը, գրանցումը, զուգահեռ ներմուծումը, գովազդը և այլ խնդիրներ: Օրենքների ընդունմամբ ակնկալվում է էապես բարձրացնել դեղերի ֆիզիկական և ֆինանսական մատչելիությունը, բնակչությանն ապահովել որակյալ, արդյունավետ և անվտանգ դեղերով: