Այս բաժինը հնարավորություն է տալիս գրավոր արտահայտել Ձեր կարծիքը, տեսակետը և դիրքորոշումը: Ի տարբերություն դիմումների, նամակները պաշտոնական ընթացակարգով քննության չեն առնվում:

Ձեր պաշտոնական դիմումը ՀՀ կառավարությանն այլևս թափանցիկ ընթացակարգ ունի: Մեր կայքի շնորհիվ Դուք կարող եք տեղեկանալ, թե կառավարության որ մարմնին կամ պաշտոնյային է Ձեր առձեռն հանձնած կամ փոստով ուղարկած դիմումը վերահասցեագրվել:

Որոնում

azdararir

iGov.am iPhone/iPad application Այսուհետ կարող եք օգտվել մոբայլ սարքերի համար iGov.am հավելվածից, որը հնարավոր է ներբեռնել AppStore-ում և Google Play-ում:

Թեժ գիծ

Տեղեկատվության ազատության ապահովման պատասխանատու
Ներքին և արտաքին ազդարարման պատասխանատու

1-17(զանգն անվճար է)

+374 (10) 527-000(արտերկրից զանգերի համար)

Պաշտոնական էլ. փոստ

(միայն www.e-citizen.am համակարգով ծանուցումների համար)

Էլ. կառավարում

Պաշտոնական լրահոս

շաբաթ, 9 դեկտեմբերի 2000

Այսօր տեղի ունեցավ կառավարության նիստ, որը վարում էր վարչապետ Անդրանիկ Մարգարյանը:

Կառավարությունը հաստատեց «Զբոսաշրջիկության զարգացման ազգային գործակալություն» ՓԲԸ-ի կանոնադրությունը և խորհրդի կազմը: Ընկերության կանոնադրական նպատակների թվում նշվում են Հայաստանը՝ որպես զբոսաշրջության համար բարենպաստ և հրապուրիչ երկիր դարձնելուն նպաստելը, աջակցությունը միջազգային ներգնա զբոսաշրջության աճին, օժանդակումը հայ զբոսաշրջային բիզնեսի մրցակցությունը խթանող և այն ապահովող միջավայրի ձևավորմանն ու զարգացմանը:

Նիստում հաստատվեց «Դատարանակազմության մասին» ՀՀ օրենքում փոփոխություններ կատարելու մասին» օրենքի նախագիծը, որով առաջարկվում է ավելացնել դատավորների թվաքանակը: Փոփոխությունը նպատակ ունի նվազեցնել դատավորների ծանրաբեռնվածությունը, ինչը թույլ կտա չխախտել դատավարական ժամկետները, բարձրացնել արդարադատության իրականացման որակը, քաղաքացիներին սպասարկելու կուլտուրան:

Կառավարության որոշմամբ հաստատվեց ՀՀ պետական մարմինների կողմից պետեկամուտների նախարարությանը՝ մաքսային արժեքի որոշման նպատակով տեղեկատվության տրամադրման կարգը: Դրանով մասնավորապես սահմանվում է, որ պետական մարմիններից անհրաժեշտ տեղեկատվություն պետեկամուտների նախարարությունը կարող է ստանալ համապատասխան հայտերի ներկայացման միջոցով:

Մեկ այլ որոշմամբ, որպես մարդասիրական որակվեց Ճապոնիայի միջազգային համագործակցության գործակալության «Պարենային արտադրության աճ» 2KR ծրագիրը, որի շրջանակներում այդ երկրի կառավարության կողմից տրամադրված 310 մլն իեն գումարով դրամաշնորհի հաշվին 2000-2001թթ. Հայաստան է ներկրվելու 9600 տոննա ամոնիակային սելիտրա, 78 միավոր տրակտոր, գյուղատնտեսական գործիքներ ու պահեստամասեր:

ՀՀ կառավարության 2000թ. հունվարի 13-ի N15 որոշման մեջ փոփոխություն կատարելով, նիստում հաստատվեց ՀՀ զինված ուժերի զորակոչի տարեկետման իրավունքից օգտվող պահեստազորի առաջին խմբի բժշկական կազմի առանձին կատեգորիաների սպաների ցանկը: Դրանում մասնավորապես ներառված են նախկինում զինվորական ծառայություն անցած պահեստազորի սպաները, 35 տարեկանից բարձր բժիշկները, գիտական աստիճան ունեցող այն սպաները, որոնք աշխատում են պետական հիմնարկներում, պետական կրթական համակարգի ասպիրանտուրայում, ինտերնատուրայում և կլինիկական օրդինատուրայում սովորողները, 3 և ավելի երեխա ունեցող պահեստազորի սպաները:

Կառավարությունը ղեկավարվելով ՀՀ Սահմանադրության 70 հոդվածի առաջին մասով, որոշեց հանրապետության նախագահին առաջարկել դեկտեմբերի 13-ին ժամը 10-ին գումարել Ազգային ժողովի արտահերթ նստաշրջան: Առաջարկվող օրակարգում ներառված են շուրջ մեկուկես տասնյակ հարցեր, որոնք գլխավորապես վերաբերում են հարկային, պարտադիր սոցիալական ապահովության վճարների, պետական տուրքի մասին օրենքների մեջ առաջարկվող փոփոխություններին:

 

Մարտ 2024
ԵրկԵրքՉրքՀնգՈւրՇբթԿրկ
 123
45678910
11121314151617
18192021222324
25262728293031

-

Արխիվ