Այս բաժինը հնարավորություն է տալիս գրավոր արտահայտել Ձեր կարծիքը, տեսակետը և դիրքորոշումը: Ի տարբերություն դիմումների, նամակները պաշտոնական ընթացակարգով քննության չեն առնվում:

Ձեր պաշտոնական դիմումը ՀՀ կառավարությանն այլևս թափանցիկ ընթացակարգ ունի: Մեր կայքի շնորհիվ Դուք կարող եք տեղեկանալ, թե կառավարության որ մարմնին կամ պաշտոնյային է Ձեր առձեռն հանձնած կամ փոստով ուղարկած դիմումը վերահասցեագրվել:

Որոնում

azdararir

iGov.am iPhone/iPad application Այսուհետ կարող եք օգտվել մոբայլ սարքերի համար iGov.am հավելվածից, որը հնարավոր է ներբեռնել AppStore-ում և Google Play-ում:

Թեժ գիծ

Տեղեկատվության ազատության ապահովման պատասխանատու
Ներքին և արտաքին ազդարարման պատասխանատու

1-17(զանգն անվճար է)

+374 (10) 527-000(արտերկրից զանգերի համար)

Պաշտոնական էլ. փոստ

(միայն www.e-citizen.am համակարգով ծանուցումների համար)

Էլ. կառավարում

Պաշտոնական լրահոս

երկուշաբթի, 12 հոկտեմբերի 2015

Վարչապետն ընդունել է Ֆրանկոֆոնիայի գլխավոր քարտուղար Միկայել Ժանին







Վարչապետ Հովիկ Աբրահամյանն այսօր ընդունել է Ֆրանկոֆոնիայի գլխավոր քարտուղար տիկին Միկայել Ժանի գլխավորած պատվիրակությանը, ով Հայաստան է ժամանել Ֆրանկոֆոնիայի 31-րդ նախարարական համաժողովին մասնակցելու նպատակով:
Ողջունելով հյուրին՝ կառավարության ղեկավարը կարեւորել է Ֆրանկոֆոնիայի 31-րդ նախարարական համաժողովի անցկացումը մեր երկրում եւ ընդգծել, որ Հայաստանը բարձր գնահատում Ֆրանկոֆոնիայի միջազգային կազմակերպության (ՖՄԿ) հետ համագործակցությունը, որը հիմնված է ֆրանկոֆոն համընդհանուր արժեքների՝ լեզվամշակութային բազմազանության, ֆրանսերեն լեզվի, ինչպես նաև խաղաղության, ժողովրդավարության և մարդու իրավունքների խրախուսման ու զարգացման վրա: Կառավարության ղեկավարը նշել է, որ 2012 թվականից անդամակցելով Ֆրանկոֆոնիային՝ Հայաստանը կարևորում է ֆրանկոֆոն մեծ ընտանիքի մաս կազմող երկրների հետ հարաբերությունների շարունակական զարգացումն ու ամրապնդումը։
Միկայել Ժանը շնորհակալություն է հայտնել վարչապետին Ֆրանկոֆոնիայի միջազգային կազմակերպության 31-րդ նախարարական համաժողովը Հայաստանում բարձր մակարդակով կազմակերպելու համար և ընդգծել, որ ՖՄԿ-ն շահագրգռված է Հայաստանի հետ հարաբերությունները խորացնելու և ամրապնդելու հարցում: Ֆրանկոֆոնիայի գլխավոր քարտուղարը մանրամասներ է նարկայացրել համաժողովի աշխատանքների և արդյունքների մասին՝ այդ համատեքստում կարևորելով հետագա համագործակցության ընդլայնումը: Տիկին Ժանը նշել է, որ համաժողովն անցկացվել է «Հանդուրժողականությունը ֆրանկոֆոն տարածքում» խորագրի ներքո, որին մասնակցել են Ֆրանկոֆոնիայի անդամ և դիտորդ 80 պետությունների պատվիրակություններ: Քննարկվել են մի քանի բանաձևերի նախագծեր, այդ թվում՝ ցեղասպանության կանխարգելման, հանդուրժողականության, երիտասարդության և միգրացիայի, կլիմայափոփոխության հարցերի վերաբերյալ:
Վարչապետ Աբրահամյանը շնորհակալություն է հայտնել տիկին Ժանին՝ Հայոց ցեղասպանության 100-րդ տարելիցի կապակցությամբ՝ ապրիլի 24-ին, հատուկ հայտարարությամբ հանդես գալու, ինչպես նաև այս օրերի ընթացքում Ծիծեռնակաբերդի հուշահամալիր կատարած այցի և Հայոց ցեղասպանության զոհերի հիշատակը հարգելու համար, ինչը ֆրանկոֆոն համերաշխության ևս մեկ դրսևորում է։
Հանդիպման ընթացքում անդրադարձ է եղել նաև Լեռնային Ղարաբաղի հակամարտության խաղաղ կարգավորմանը և այդ հարցում ԵԱՀԿ Մինսկի խմբի համանախագահների ջանքերին Ֆրանկոֆոնիայի կողմից ցուցաբերված լիակատար աջակցությանը:
 

Մարտ 2024
ԵրկԵրքՉրքՀնգՈւրՇբթԿրկ
 123
45678910
11121314151617
18192021222324
25262728293031

-

Արխիվ