շաբաթ, 2 սեպտեմբերի 2000
ՀՀ վարչապետ Անդրանիկ Մարգարյանի շնորհավորական ուղերձը ԼՂՀ անկախության հռչակման օրվա կապակցությամբ
Սիրելի հայրենակիցներ,
Ընդունեք իմ սրտագին շնորհավորանքները Լեռնային Ղարաբաղի Հանրապետության Անկախության հռչակման օրվա կապակցությամբ:
1988-ից սկիզբ առած ղարաբաղյան շարժումը շարունակությունն էր նվիրական այն պայքարի, որ դարեր շարունակ մղել է հայ ժողովուրդը իր անկախ ու ազատ կյանքը կերտելու իրավունքի համար: 1991 թ. սեպտեմբերի 2-ին Լեռնային Ղարաբաղի Հանրապետության անկախության հռչակումը Արցախի — ամբողջ հայության այդ երազանքի իրագործման արձանագրումն էր: Ամբողջ աշխարհի առջ— արցախցին ցույց տվեց, որ պատրաստ է պաշտպանելու իր զավակների արյամբ սրբագործված հայրենի յուրաքանչյուր թիզ հողը: Պայքարով, հերոսությամբ, սեփական կյանքն ինքուրույն կերտելու կամքով ու վճռականությամբ ձեռք բերվածը պահպանելով, Արցախի շինարար ժողովուրդը, այժմ ձեռնամուխ է եղել բանակի հզորացմանը, տնտեսության վերականգնմանը, սոցիալական հիմնախնդիրների լուծմանն ու ժողովրդավարական ինստիտուտների ձ—ավորմանը:
Լեռնային Ղարաբաղի Հանրապետությունը մշտապես հավատարիմ է մնացել հակամարտության խաղաղ կարգավորման իր սկզբունքին: Մենք հավատում ենք Լեռնային Ղարաբաղի Հանրապետության ապագային: Անկախությունն ու ազատությունը հեշտ չի տրվում, այլ նվաճվում է սեփական արյամբ, կամքով ու վճռականությամբ:
Թանկագին հայրենակիցներ, մեկ անգամ —ս շնորհավորում եմ բոլորիս նվիրական տոնի` անկախության օրվա առթիվ, մաղթում եմ քաջառողջություն, խաղաղ, ստեղծագործ կյանք, անսասան հավատ ապագայի նկատմամբ:
