Հայաստանի Հանրապետության Կառավարություն

Շիրակի մարզում երկրաշարժից 20 տարի անց էլ ամենացավոտ հարցերից մեկը անօթևան 4555 ընտանիքների առկայությունն է, որոնցից 4002-ը` Գյումրիում, 553-ը` մարզի 43 գյուղական համայնքներում։
Բնակարանների գնման կապալառու կազմակերպության մրցույթում հաղթած «Գլենդել ՀԻԼԶ» կազմակերպությունը Գյումրիի «Անի» եւ «Մուշ-2» թաղամասերում սկսել է 400 եւ 1900 բնակարաններով բնակելի շենքերի կառուցման աշխատանքները, որոնք կավարտվեն 2011 թվականին։
2009 թվականին բնակարանների գնման վկայագրերի միջոցով ֆինանսական աջակցության տրամադրմամբ նախատեսվում է Գյումրիում երկրաշարժի հետեւանքով անօթեւան մնացած եւս 212, իսկ գյուղական բնակավայրերում՝ 106 ընտանիքների հնարավորություն ընձեռել հոգալու իրենց բնակարանային խնդիրները։
Համաձայն «Աղետի գոտու բնակավայրերում երկրաշարժի հետևանքով անօթևան մնացած ընտանիքների բնակարանային խնդիրների լուծման հայեցակարգի», մինչև 2013 թվականը կառուցվելու են առնվազն 4883 նոր բնակարաններ և բնակելի տներ, այդ թվում.
– Գյումրի քաղաքի Անի և Մուշ թաղամասերում կառուցվելու են առնվազն 2300 բնակարաններ՝ իրենց սպասարկման օբյեկտներով,
– Շիրակի մարզի Ախուրյան գյուղում առնվազն 182 բնակարաններ՝ իրենց սպասարկման օբյեկտներով,
– Շիրակի մարզի թվով 10-ը գյուղական բնակավայրերում առնվազն 226 անհատական բնակելի տներ,
– Սպիտակ քաղաքում առնվազն 354 բնակարաններ՝ իրենց սպասարկման օբյեկտներով,
– Լոռու մարզի թվով 24 գյուղական բնակավայրերում առնվազն 1821 անհատական բնակելի տներ։